Lionel Messi nuk po kalon një moment të mirë me skuadrën e PSG. Ditën e djeshme ai u fërshëllye nga tifozët parizienë dhe ekipi u mund 0-1 nga Lyon. Kjo është e disata herë që tifozët e PSG bëjnë diçka të tillë ndaj Messit dhe shumë emra të njohur të futbollit kanë reaguar.
Së fundmi ka qenë edhe ish-mesfushori i Barcelonës dhe kombëtares franzece Emanuel Petit i cili ka reaguar.
“Kur shoh që ka fërshëllima, kjo është një fyerje për futbollin. E di që sot ka një tufë qensh që nuk mendojnë gjë tjetër veçse të shpërthejnë ndaj Neymar dhe Messi. Unë kam vetëm një këshillë për t’i dhënë Messit: Ik nga ky klub! Ky klub nuk është një klub futbolli. Është një klub pensionimi, edhe për lojtarët 20 vjeç. Asnjë lojtar nuk ka pasur progres që kur është bashkuar me PSG, është ky faj i Messit?"
Lexo gjithashtu
