Ish-futbollisti i Skënderbeut Fidan Aliti zbuloi arsyen e transferimit të tij te Kalmari në kampionatin suedez duke refuzuar ofertat e Hammarby dhe Malmos. Në një prononcim për "RTSH Sport", futbollisti i përfaqësueses së Kosovës tregoi se Kalmari i premtoi më tepër minuta loje se dy ekipet rivale. Në fund, ai shprehu mirënjohjen për familjen Takaj duke theksuar se Skënderbeu do të mbetet gjithmonë në zemrën e tij.
"Arsyeja zgjedhjes së Kalmarit? Ekipin e kam gjetur shumë pozitiv. Vetëm një ditë pasi nënshkrova, iu bashkova skuadrës në Turqi, ku më pritën shumë mirë. Besoj është një ekip shumë stabël në kampionat, është shumë e rëndësishme kjo gjë. Kam biseduar me trajnerin dhe me drejtorët e klubit dhe më kanë siguruar që do të jem një lojtar i rëndësishëm.
Përse refuzoi Malmon dhe Hammarby? Kam diskutuar dhe me Malmon dhe Hammarby, po nuk më siguruan minutat. Ky kampionat është shumë i fortë. Ka stadiume shumë të mira dhe na shohin plot 60 mijë tifozë për çdo javë. Jam shumë i kënaqur këtu, kam nënshkruar një kontratë 4-vjeçare, kanë paguar për mua dhe jam shumë i lumtur që erdha.
Disa fjalë për Skënderbeun? Skënderbeut i uroj suksese, e
falënderoj shumë familjen Takaj dhe të gjithë aty do të jenë në zemrën time.
Shpresoj që të marrin sa më shumë fitore këtë sezon", u shpreh 25-vjeçari.
Në 3 shkurt, Aliti dhe Skënderbeu pranuan ofertën prej 400 mijë € të
Kalmarit duke i ofruar qendërmbrojtësin ish-skuadrës ku dikur luante dhe
portieri i Kombëtares sonë Etrit Berisha.
Lexo gjithashtu
