Interi dhe Juventusi do të përballen ditën e nesërme në kuadër të javës së 27-të, takim që do të luhet duke nisur nga ora 20:45. Zikaltërtit vijnë pasa kualifikimit në Champions League, ndërsa bardhezinjtë kaluan në fazën tjetër të Europa League.
Në përballjen mes tyre vijnë me moral të lartë për të siguruar 3 pikët. Në prag të këtij takimi në konferencën për shtyp ishte i pranishëm Simone Inzaghi, i cili vlerësoi “Zonjën e Vjetër”.
“Përgatitja mendore do të jetë thelbësore, ne e dimë se cili ekip është Juve. Skrinar është jashtë bashkë me Gosens dhe Bastonin, për Lukakun jam shumë i kënaqur. Ne e dimë se çfarë përfaqëson kjo ndeshje për klubin dhe për tifozët. Do të jetë një ndeshje mes dy skuadrave që po bëjnë mirë, që kanë arritur kualifikimin në Evropë.
Dënimi i Juventusit? Ne e konsiderojmë Juventusin një ekip të madh, ata janë të kompletuar dhe të përbërë nga shumë lojtarë të fortë. Ne e respektojmë Juven, i kemi takuar në shumë finale dhe do t’i takojmë përsëri në kupë. Përgatitja mendore do të jetë shumë e rëndësishme.
Di Maria? Të gjithë e dimë llojin e lojtarit, ai është një kampion bote, një futbollist i madh. Në çdo moment të lojës duhet të jemi të kujdesshëm dhe ai do të jetë një nga të vëzhguarit special”, ka theksuar trajneri zikaltërve.
Lexo gjithashtu
