Interi përforcon mbrojtjen, afrohet një argjentinas

Kristian Ansaldi është blerja e fundit e ziklatërve, ku kartoni i tij ishte pronë e Zenitit, pavarësisht se luajti për Xhenoan sezonin e kaluar. Mësohet se mbrojtësi argjentinas do të arrijë pasdite në klubin zikaltër për të bërë vizitat mjekësore dhe për të firmosur një kontratë tre vjeçare. Ky është përforcimi i parë për skuadrën e Interit që pas marrjes së aksioneve nga ana e kinezëve. Ansaldi ishte pjesë e Xhenoas në Itali, ku shkëlqeu me paraqitjet e tij në sezonin që sapo u mbyll. 29-vjeçari është në një formë mjaft të mirë fizike, gjë që e ka treguar dhe në fushën e lojës.