
Interi është gati për të nisur bisedimet me Chelsea për të rinovuar huazimin e Romelu Lukaku. Sipas “Gazzetta dello Sport” klubi zikaltër dëshiron që belgu të qëndrojë në Milano edhe për një sezon tjetër në formë huazimi.
29 vjeçari u kthye në Itali pas një sezoni frustrues në “Stamford Bridge”. Edhe dëshira e Lukaku është që të vazhdojë qëndrimin në Milano, aty ku e ndjen veten më mirë. Sipas së përditshmes italiane bisedimet e mëtejshme me Chelsea do të nisin në Mars.
Por klubi italian nuk planifikon që të kryej një transferim të përhershëm për “bomberin”. Ata po kërkojnë vetëm shtyrjen e huazimit pasi marrëdhëniet mes dy klubeve janë konsoliduar pas marrëveshjes për transferimin e Casadeit në Londër.