Me Botërorin që po i drejtohet fundit, klubet po zhvillojnë miqësoret për të mbajtur të “nxehur” muskujt e lojtarëve që nuk janë ftuar. Në orën 18:00, Interi do të përballet me Real Betis në Spanjë. Zikaltërit kanë zhvilluar deri tani dy teste, ndaj Gziras të fituar 1-6, ku Kristjan Asllani, shënoi një supergol dhe ndaj Salzburg të fituar 4-0.
Mesfushori shqiptar, Asllani, pritej të merrte mintua në këto teste pasi në ndeshje zyrtare është i harruar nga trajneri Inzaghi. Mirëpo, goli ndaj Gziras ku e nisi si titullar si duket nuk ka mjaftuar për trajnerin italian i cili e preferoi në stol ndaj Salzburg por edhe tani me Betis.
Zikaltërit kanë publikuar formacionin titullar për këtë miqësore dhe emri i Asllanit figuron aty ku e kemi parë më shpesh këtë sezon, i syrgjynosur në stol.
Formacioni Interit: Handanovic; Skriniar, Acerbi, Bastoni; Bellanova, Barella, Gagliardini, Gosens; Mkhitaryan, Calhanoglu; Dzeko
Lexo gjithashtu
