Presidenti i vendit, Ilir Meta ka dekoruar ditën e sotme ish-futbollistin e Dinamos, Sulejman Demollarin me çmimin "Mjeshtëri i Madh".
I ftuar në ceremoninë e e organizuar në presindencë ka qenë dhe kreu i FSHF, Armando Duka, ambasadorë dhe personalitete të shquara të sportit
Motivacioni: "Në vlerësim të talentit, profesionalizmit dhe rezultateve të larta, si futbollist me një karrierë shumë të suksesshme në arenën kombëtare dhe ndërkombëtare, duke shpalosur vlerat e një sportisti model, shembull frymëzimi për të gjithë futbollistët e rinj".
Fjala e presidentit Ilir Meta:
"Karriera sportive e Demollarit ka qenë e jashtëzakonshme. Demollari, përfaqësues i denjë dhe autoritet me peshë i futbollit shqiptar. Titullin 'Mjeshtër i Madh' Demollari e ka marrë në fushën e lojës, atë ia kanë "dhënë" tifozët shqiptarë prej vitesh. Model i shkëlqyer i sportistit shembullor dhe i "fair play". Lojtari model i Dinamos dhe më i spikaturi i këtij ekipi. Figura e Demollarit është nxitje për brezat e rinj për t'u marrë me sport e për të qenë të suksesshëm në jetë. Shembulli i jetës, veprimtarisë dhe sjelljes sportive të Demollarit ka qenë dhe mbetet një burim i rrallë frymëzimi, sidomos për të rinjtë e sotëm. Demollari ka forcuar ndjenjat e krenarisë kombëtare, do të jetë ambasadori i përhershëm i Shqipërisë në botë. Kam fatin dhe rastin të vlerësoj një nga figurat më të spikatura dhe talentet e rralla e të papërsëritshme të futbollit tonë. Solisti magjepsës i lojës së bukur, njëri nga sportistët më të talentuar dhe të suksesshëm të kombit tonë. Demollari përfaqësues i denjë dhe me autoritet në futbollit edhe në arenën ndërkombëtare. Të gjithë sportadshësit shqiptarë e kanë të gdhendur në kujtesën e tyre lojën e tij virtuoze me "Dinamon" e me Kombëtaren dhe sidomos golat e mahnitshëm të shënuar gjatë tri dekadave".
Lexo gjithashtu
