Ilir Daja ka folur pas humbjes 2-1 në shtëpi kundër Sivasporit. Trajneri i Ballkanit ndjen keqardhje për mënyrën se si nuk arritën të menaxhonin avantazhin ndaj turqve.
Kryeqytetasi kërkon të motivojë lojtarët, të cilët sonte në “Fadil Vokrri” bënë një ndeshje të madhe, pavarësisht rezultatit negativ. Në prononcimin e zakonshëm për gazetarët, Daja tha:
“Kemi bërë një pjesë të parë të mirë. Kaluam në avantazh dhe kishim mundësi shënimi. Në ndeshje të tilla duhet të shfrytëzosh rastet që të jepen. Kemi sakrifikuar për shkak mungesash. Kuçi dhe Gripshi janë lojtarë të mirë. Nëse do të ishin edhe këta të dy, mund të luanim dhe në një formë tjetër. Në pjesën e dytë kishim mundësi për ta çuar rezultatin në 2-0. Rastet i krijuam. Nëse do të shënonim, sot mund të dilnim me rezultat tjetër.
Ndikoi lodhja sepse ne po përballojmë me 12-13 vetë ndeshjet në çdo katër ditë. Në të tilla kompeticione, na duhet një numër më i madh lojtarësh për të bërë ndërrimet në kohën e duhur. Janë lojtarë të rinj që në të tilla ndeshje që s’mund t’i japësh minuta. Një lojtar i ri promovohet në një ndeshje tjetër, jo në këtë.
Kualifikimi? Ne nuk kemi qenë favoritë. Ne kemi rritur pritshmëritë me lojën dhe rezultatet. Natyrshëm që në këto dy ndeshje, ne s’do t’i kalojmë se duhen bërë, por do të kthehemi te loja. Do të përqëndrohemi në kampionat derisa të vijë ndeshja me Slavian. Të rrisim ndeshjet me eksperiencë”, tha ai.
Lexo gjithashtu
