Ndër fytyrat e reja që kanë filluar stërvitjen me Bayern Munich nën urdhërat e trajnerit, Julian Nagelsmann është edhe Ibrahimovic.
Nuk bëhet fjalë për një goditje në merkato të minutës së fundit, apo ndonjë shaka.
Në fakt ky nuk është sulmuesi i Milanit, por një mesfushor premtues me origjinë shqiptare e që nuk ka asnjë lidhje me Zlatan. Bëhet fjalë për Arijon Ibrahimovic, një 15-vjeçar që po tërheq vëmendjen e të gjithëve.
Arijon ka debutuar në ekipin kombëtar gjerman U-16. Pasi luajti në ekipet e të rinjve të Nurembergut, ai u transferua te Bayern Mynih në verën e vitit 2018 .
Sezonin e kaluar ai spikati në ekipin nën 17 vjeç, duke shënuar 2 gola dhe duke dhënë 3 asistime në nëntë ndeshje.
Nagelsmann donte ta provonte duke shpresuar në shpërthimin e tij. Kontrata e tij me Bayern vazhdon deri në qershor 2023.
Lexo gjithashtu
