Realdo Fili ka mbyllur aventurën në Rumani me Botosani pas dy vitesh e gjysmë. Sulmuesi anësor është në fundin e kontratës, që duket se nuk do e rinovojë. Fieraku 26 vjeçar ka falenderuar rumunët për kohën e kaluar, duke treguar se është ndjerë si në shtëpi.
Tanimë ish-lojtari i Apolonisë, Partizanit, Skënderbeut, Kamzës dhe Luftëtarit është lojtar i lirë, duke qenë i gatshëm për negociata me klubet e interesuara.
“Botosani, faleminderit për këto 2.5 vite të mrekullueshme. Faleminderit të gjithëve që punuan me mua gjatë kësaj periudhe, të gjithë stafit dhe lojtarëve që më ndihmuan të rritem, të mësoj dhe të më bëjnë gjithmonë të ndihem si në shtëpinë time. Unë isha i nderuar të isha një nga ju”, shkruan Fili.
Poll
Lexo gjithashtu
