Elseid Hysaj është një ndër lojtarët më të komentuar te Napoli, kjo për faktin se për 24-vjeçarin e Kombëtares kanë ardhur oferta të majme nga klube të ndryshme, kryesisht nga Anglia. Lidhur me këtë gjë ka folur menaxheri i shkodranit, Mario Giuffredi.
Ai është shprehur se e ardhmja e mbrojtësit varet gjithmonë nga vendimi që do marrë trajneri, Maurizio Sarri. Nëse ai qëndron, Hysaj nuk lëviz, por nëse trajneri largohet atëherë nisin të tjera llogari.
"Për shumë lojtarë, përfshi dhe Hysajn, do të vendoset gjithmonë në bazë të të ardhmens së Murizio Sarrit. Është e rëndësishme për shumë lojtarë që të kuptojnë se çfarë do bëjë Sarri", është shprehur Mario Giuffredi, agjenti i Elseid Hysaj për mikrofonin e "Radio Marte" në Itali.
"Nëse Sarri do qëndrojë do kërkojë të mbajë lojtarët më të mirë, përfshi dhe Hysajn. Lojtari pa Sarrin humbet sigurinë dhe nëse ka skuadra që do mundin të pagujnë Klauzolën, mund të dalin në pah teza të tjera. Por nëse Sarri qëndron edhe në prezencën e një klubi që mundet të paguajë klauzolën, përballë një marrëveshjeje kontratuale ai mund të qëndrojë", ka thënë Giuffredi lidhur me të ardhmen e Hysajt. /NEWSPORT.AL/
[gallery columns="1" size="full" ids="234503"]
Lexo gjithashtu
