Safet Berisha u nda nga jeta para disa ditësh në Itali, pasi vuante nga një sëmundje e rëndë. FSHF-ja nëpërmjet një njoftimi zyrtar bën me dije që ditën e nesërme do të mbahen homazhe në nder të tij pranë ish-kompleksit "Dinamo" dhe gjithashtu bën me dije orarin e se kur do të zhvillohet kjo ceremoni mortore.
"Federata Shqiptare e Futbollit, Klubi i Futbollit “Partizani” dhe familjarët e të ndjerit Safet Berisha, njoftojnë të gjithë sportdashësit, miqtë dhe dashamirësit se homazhet për të do të zhvillohen ditën e shtunë pranë ish-kompleksit “Dinamo”. Ata që dëshirojnë ti japin lamtumirën e fundit ish-kapitenit të “Partizanit” dhe ekipit kombëtar të Shqipërisë, do ta kenë mundësinë të marrin pjesë në homazhe nga ora 10.00-12.00, në hollin e ish-klubit “Dinamo”. Më pas trupi do të përcillet për në varrezat e Sharrës", shkruhej në njoftimin e Federatës Shqiptare të Futbollit.
Lexo gjithashtu
