Eneo Bitri ishte heroi i fitores 2-1 në Kukës. Qendërmbrojtësi i Partizanit foli pas takimit duke prekur shkurtimisht disa çështje. Në fjalën e tij për Oversport, shtatlarti beratas u shpreh:
“Tifozët ishin të shumtë. Dëshira ime është t’i kem sa më shumë pranë.
Vështirësia? Siç e patë, nuk pati asnjë rast që na vuri në vështirësi përveç golit. Rëndësi ka fitorja. Ky është futbolli.
Cara? Është çarë te vetulla. Tani ishte në ambulancë. Shpresoj të jetë gati për ndeshjen e radhës.
Fitoret? I kemi analizuar gjitha ndeshjet e shkuara. Kemi krijuar shumë, por duhet të jemi më shumë cinikë. Sot na ndihmoi edhe fati. Ky është futbolli. Duhet t’i realizojmë ato që na japin para porte.
Derbi? Për derbin nuk kam fjalë. Le t’ia lëmë fushës. Derbi nuk luhet për barazim. Është shumë herët. 4 pikë s’janë asgjë.
Goli? E kemi bërë në stërvitje këtë skemë. E kemi punuar shumë këtë javë dhe për fat doli”, tha ai.
Lexo gjithashtu
