Rimal Haxhiu ka folur pas fitores 3-0 kundër Teutës, e vlefshme për gjysmëfinalen e parë të Kupës së Shqipërisë. Lojtari i Tiranës deklaroi për mikrofonin e Oversport:
“3-0 është një rezultat që të çon më qetë në ndeshjen tjetër. Ky kampionat ka treguar që s’duhet të humbim asnjëherë vigjilencën. Edhe në ndeshjen tjetër do të shkojmë për të fituar. Çdo lojtar ka cilësitë e veta dhe unë përshtatem në krah. Do të japim maksimumin gjithmonë. Për aq kohë sa fitojmë dhe ekipi shkon përpara jemi në rregull.
Sulmues? Trajneri ka kërkuar që të luaj përpara. Për mua s’është problem. Do të jap atë që kam për ekipin. Mjaftoj që të luaj dhe të bëj mirë. Trajneri ma ka dhënë besimin dhe e falënderoj shumë. Goli më ka munguar, por besoj se do të vijë në momentin e duhur”, tha ai.
Lexo gjithashtu
