Hapësire reklamuese

Çështjet kryesore

VENDI

Hasan Lika flet para ndeshjes me Laçin: Objektivat e bëjnë më shumë se të luftuar këtë takim, besoj tek gjykimi profesional

Shkruar nga NEWSPORT
Hasan Lika flet para ndeshjes me Laçin: Objektivat e bëjnë

Pak orë para se të luhet takimi mes Laçit dhe Luftëtarit, që zhvillohet në orën 14:00, ka folur trajneri i gjirokastritëve, Hasan Lika për mikrofonin e Supersport. Tekniku ka shprehur dëshirën dhe vullnetin e mirë që ka skuadra për të vazhduar me seritë e fitoreve, duke besuar tek një gjykim korrekt dhe profesional.

"Luftëtari, pavarësisht faktorit fushë, në çdo ndeshje radhe ka për objektiv rezultatin pozitiv. Laçi, falë kontingjentit aktual, ka bërë mirë në të dyja kompeticionet. Jemi të ndërgjegjshëm se na pret një ndeshje më shumë se e vështirë në transfertë. Objektivat e ekipeve e bëjnë më shumë se të luftuar këtë takim. Asnjëherë nuk udhëtojmë si inferiorë, përkundrazi, jemi të motivuar dyfish për të vijuar serinë e rezultateve pozitive në kampionat", është shprehur fillimisht trajneri Hasan Lika.

Tekniku i gjirokastritëve ka thekesuar se ekipi i drejtuar nga ai është përgatitur për të bërë më të mirën në fushë. Ndër të tjera, Lika thekson se me gjykim korrekt dhe profesional mund të vazhdojnë me rezultatet pozitive.

"Me gjykim korrekt dhe profesional, për të cilin asnjëherë nuk jam shprehur në media si trajner i Luftëtarit, unë besoj te vazhdimësia e rezultateve pozitive. Cilësitë dhe serioziteti i lojtarëve që unë stërvit prej muajsh janë arma jonë më e mirë për të përballur Laçin në shtëpi", ka thënë trajneri i Luftëtarit.

Ndër të tjera, për mikrofonin e "Supersport", Lika ka konfirmuar si mungesë për takimin e sotëm Rrapajn, duke  shtuar se, Toledo do të jetë mbrtojtës i linjës së djathtë në këtë ndeshje.

"Rrapa nuk do të jetë i gatshëm. Toledo do të jetë mbrojtësi i linjës së djathtë. Uruguaiani është lojtar që ka bërë mirë për Luftëtarin. Kualitetet e lojtarëve më bëjnë besimplotë te fitorja e sotme", ka përfunduar intervistën e tij Lika.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga