Trajneri i Kukësit, Hasan Lika, ishte shumë optimist para ndeshjes së zhvilluar në “Elbasan Arena” se skuadra e tij mund të mbyllte gjithçka që në përballjen e parë, por barazimi me Rudarin i ka vështirësuar punën atij dhe lojtarëve. Situata është jo fort e këndshme te verilindorët, por fakti se ka premio të dyfishuar, kjo i ngroh disi për takimin e radhës.
[caption id="attachment_11091" align="alignleft" width="169"]
Presidenti Safet Gjici dhe trajneri Hasan Lika[/caption]
Takimi në “Elbasan Arena” ka përfunduar 1-1, që do të thotë se çdo gjë është e mundur që Kukësi të kalojë në fazën tjetër. Trajneri Hasan Lika ka folur për mediat ditën e sotme, ku tregon dhe sesi mund të kualifikohet skuadra e tij.
“Duke u bazuar te tradita, Kukësi di të fitojë edhe jashtë. Jemi përpjekur të përmirësohemi gjatë këtyre ditëve. Shpresojmë dhe jemi të përgatitur ta kalojmë këtë ndeshje. Duhet të shënojmë dhe ta ruajmë rezultatin pasi kemi dy nga tre rezultate në dispozicionin tonë. Shanset janë të barabarta si për ne si për kundërshtarin”.
“Goli i pësuar mund të ndikojë, por e theksoj se kemi treguar që kemi shënuar jashtë dhe do të vazhdojmë të ngulmojmë në këtë drejtim. Vështirësitë qëndrojnë dhe me këto ditë të nxehta këtu në Tiranë. Shpresojmë që në Mal te Zi të jetë disi më freskët për të na i lehtësuar punën”.
Lexo gjithashtu
