Për momentin, Skënderbeu nuk është as në “qiell dhe as në tokë”. UEFA e ka pezulluar 1 vit nga Kupat e Europës dhe drejtuesit e klubit kanë thënë gjithë kohën se po e ndjekin çështjen në KAS, por zyrtarë të kësaj gjykate mohojnë të ketë një çështje të hapur për ekipin shqiptar. Kjo situatë i bën lojtarët e Skënderbeut ta shohin me dyshim të ardhmen e tyre te ky ekip dhe shumë prej tyre po mendojnë për një aventurë të re, aq më tepër ata që janë pa kontratë. Pas largimit të disa të huajve dhe një titullari të rëndësishëm si Renato Arapi, ai që ka më shumë shanse largimi në radhë është sulmuesi Hamdi Salihi, për të cilin ka oferta nga Azerbajxhani dhe Kina e vende të tjera. Shkodrani ndodhet pranë familjes në Austri momentalisht dhe pritet të takohet me presidentin Takaj, por e vërteta është se ai është pranë largimit. Titullarë të tjerë pa kontratë janë Vangjeli, Osmani, Radas, Shehi dhe Progni.
Lexo gjithashtu
