Rraman Hallaçi ka folur pas fitores 2-1 në transfertë kundër Laçit. Trajneri i Kukësit deklaroi për mikrofonin e Oversport:
“Fitorja vjen në një moment të mirë për ne. Kam kërkuar nga skuadra që të mbajë topin në zotërim. Skuadra tregoi grintë dhe karakter. I kam vëzhguar me kujdes në videoanalizë. I kam thënë lojtarëve kryesorë të bëjnë kujdes. Mendoj se skuadra është përgjigjur mirë në pjesën e parë. Bëmë edhe dy ndryshime sot. Është rikthyer edhe Jonson. Besoj se do të jetë mirë. Pjesa e dytë ishte diçka tjetër. KIshim mundësi me kundërsulm për ta mbyllur ndeshjen. Nuk mund të them që do të bëjmë një festë sepse nuk e kemi luksin për këtë.
Mbijetesa? Kemi fituar edhe me Egnatian në transfertë. Duhet të marrim dhe fitore në transfertë për objektivat që kemi. Objektivi është i qartë, qëndrimi në Superiore. Do të japim maksimumin për këtë. Më pas të shohim se si do të jenë gjërat. Më jep ngrohtësi skuadra me mënyrën se si luan. Kjo është pjesa që më ngroh. Presioni është te ekipi. Presioni tashmë është shumë i madh. Kundërshtarët janë të organizuar.
Rashiti? Është lojtar që ka vlera dhe cilësi. Ka kualitet dhe vizion. Mendova që ishte momenti për ta rikthyer. Besoj se kam bërë mirë. Barbosa na ka ndihmuar ç’është e vërteta shumë”, tha ai.
Lexo gjithashtu
