Rrahman Hallaçi ka folur pas humbjes 2-1 kundër Partizanit. Trajneri i Kukësit foli për mikrofonin e Oversport ku deklaroi:
“E dija që skuadra ka ndjerë pak vështirësi në mbrojtje. Normalisht në këto ditë që kisha në dispozicion u mundova të punoj në mbrojtje. Më vjen keq për golin e dytë sepse s’i kisha thënë mbrojtësve të bëjnë atë lëvizje. Në pjesën e parë kam aktivizuar më shumë mesfushorë. Kishim pak siklet, duhet të kishim pak besim. Mendoj që ka shkuar mirë me futbollistët që aktivizova në pjesën e dytë. Skuadra tregoi vlera dhe karakter në pjesën e dytë. Më vjen keq se ishim të stepur në pjesën e parë.
Barbosa? Është normale kur shikon që zëvendësohet. U mundova të bëj pak vonesë kur u mor ai 11-metërsh. Jam unë trajner dhe të kenë kujdes të gjithë. Do ta shoh me qetësi. Kush del nga vetja, do të marrë përgjegjësi. Do ta shoh me shumë kujdes këtë pjesë dhe vendimet janë të miat.
E ardhmja? Faleminderit Gent! Ti jep kapiten djalë. Ndihem i shqetësuar sepse më vjen keq për pjesën e parë. Më vjen keq se nuk e kishim përgatitur pjesën e parë në atë mënyrë.
Prapaskenë? Bëra analizën dhe i thashë skuadrës që jeni profesionista. Duhet ta mbani presionin. Ky moment është i vështirë. Në momentet e vështira duhet ngritur skuadra. Jam shumë dakord me ekipin me mënyrën se si u trajtua loja. I kam thënë që nuk duam të bëjmë asnjë aventurë. Më vjen keq për golin e dytë sepse nuk i kisha edukuar lojtarët në atë mënyrë. S’duam të bëjmë një aventurë kur skuadra është në vështirësi. Mbrojtësit duhet të kishin bërë diçka tjetër.
Formacioni? Unë bashkë me stafin e kishim përgatitur në këtë mënyrë siç nisi e dyta. Ndoshta nuk kishin besimin e duhur. Ishin 4 mesfushorë kundër 4 tanëve. U treguan më të lëvizshëm dhe na vunë në vështirësi. Jemi një skuadër që kemi bërë histori në futbollin shqiptar. Momentet e vështira t’i kalojmë me kujdes. Të ndërtojmë një skuadër për vazhdimësinë. Nuk jam me idenë që mezi po presim merkaton. Shumë pak ndërhyrje mund të ketë nga merkato
Agim Ibraimi? Është një person shumë i veçantë. Ka ardhur sot për të parë ndeshjen. Ende s’kam biseduar me të. Janë drejtuesit që vendosin për këto gjëra”, tha ai.
Lexo gjithashtu
