Rraman Hallaçi ka folur pas fitores 2-0 kundër Bylisit, ndeshje e vlefshme për javën e 25-të të Superiores. 3 pikë të rëndësishme për verilindorët që tashmë shohin lart.
Në prononcimin e zakonshëm pas takimit, tekniku i kuksianëve u shpreh i lumtur për atë që skuadra e tij bëri në fushën e blertë.
Megjithatë kërkon nga lojtarët të jenë të fokusuar në ndeshjet e ardhshme, për të siguruar qëndrimin në Superiore. Për Oversport, Hallaçi tha:
“Fitorja të jep qetësinë e duhur por skuadrat janë shumë të ngjeshura dhe nga java në javë duhet të bëjmë kujdes. I thashë skuadrës që të jemi të kujdesshëm të bëjmë presion më lart. U kujtova ndeshjen me Tiranën dhe duke qenë në fushën tonë donim të merrnim fitoren sot.
Në pjesën e parë skuadra luajti shumë mirë dhe veproi po njësoj në të dytën. Jam shumë i kënaqur me lojtarët pasi bënë atë që unë u kërkova. Shpresoj të mbajmë këtë ritëm. Kapiteni i skuadrës po tregon nga ndeshja në ndeshje që është një lider dhe jam i kënaqur me të.
Loja ka qenë mjaft e mirë, me skuadër shumë të fortë. Terreni ishte pak i rënduar. Në pjesën e parë, Bylisi nuk ka pasur asnjë moment për të na vënë në vështirësi. Skuadra është përgjigjur mirë. Me atë që kam parë, skuadra ka prodhuar futboll të mirë. Mos të harrojmë vështirësitë që kemi kaluar. Skuadrat janë shumë të ngjeshura.
Qarkullimi i lojës? E thashë që në fillim, në momentin që u futa te analiza. I kam thënë skuadrës duam ta presim kundërshtarin. Duke qenë në stadiumin tonë, me publikun tonë. Nuk doja të merrnim kundërsulm nga kundërshtari. Nuk doja të shkonim larg. Në Ballsh jemi vënë shumë në vështirësi”, tha ai.
Lexo gjithashtu
