Armir Grima, personazhi i njohur i futbollit shkodran, i cili ka kryer disa detyra në këtë ekip, pak para ndeshjes tregon obejktivat e skuadrës së tij, ku nuk jep garanci nëse kuqeblutë do të luajnë për mesin apo kreun e tabelës.
Ndër të tjera ai flet edhe për të drejtën e administrimit të stadiumit "Loro Boriçi", i cili do të kalojë në duart e bashkisë së Shkodrës në muajin nëntor. Ai shprehet se është e vështirë që ky stadium të mirëmbahet nga bashkia, duke qenë se kostot janë mjaft të lartë.
"Armandoja flet si teknik, Gjyrezi si administrator. Duhet të themi që nuk kemi luksin që të rivalizojmë skuadrat e mëdhaja. Për të qenë ekip për të pretenduar, duhet të investohet më shumë. Bashkia investon, por janë dhënë prova që Vllaznia duhet të shkojë në dorë të privatit. Këta djem nëse japin maksimumin që kanë, tifozët na mbështesin. Nëse nuk do të kemi rezultate, edhe njerëzit largohen", shprehet Grima për Vllazninë.
"Është impiant gjigant dhe ka gjëra që ka të papërballueshme. Duhet shumë forcë për t'u mbajtur. Administrimi i stadiumit nga FSHF-ja do të ishte e mirë për Bashkinë dhe për Vllazninë sepse ka kosto të madhe. Është barrë e rëndë dhe nuk ka përse ta mbajë bashkia. FSHF-ja e ka mundësinë që ta mbajë këtë stadium, nuk duhet që të bëjmë prova".
"Pas ndeshjes me Maqedoninë impianti ka shumë dëmtime, por bashkia për të ndërruar disa stola të thyer, duhet që të hapë tender. Por, deri në momentin që të hapet dhe të miratohet tenderi sipas procedurave, mendoj se është bërë gjysma e stolave për t'u ndërruar. Kështu që është e pamundur që ta mbajë bashkia" sqaroi Cungu, duke treguar me fakte se bashkia nuk ka tagrin që të mirëmbajë një impiant të tillë.
Lexo gjithashtu
