Shqipëria ka humbur në miqësoren që ka zhvilluar mbrëmjen e sotme ndaj Norvegjisë me rezultatin 1-0. Pas përfundimit të takimit ka folur Eros Grezda i cili ka komentuar miqësoren që kuqezinjtë zvilluan sot. Futbollisti i Kombëtares ka konfirmuar paraqitjen pozitive të kundërshtarit në fushën e blertë dhe mungesën e reagimit nga kuqezinjtë.
"Provuam gjithçka, ndeshja ishte e vështirë. Kundërshtari ishte më i përgatitur se ne, por duhet të them që edhe nga kjo ndeshje mund të nxjerrim dicka pozitive. Kundërshtari ishte më agresiv. Kishim lojtarë të rinj që u futën në formacion, u pa qartë se duhet kohë që të përshtatemi, por besoj se në të ardhmen do bëjmë më mirë. Për klubin kam luajtur 90' minuta, ndodhi para tre ditësh që kisha probleme fizike dhe dy ditët e fundit nuk jam stërvitur si duhet për shkak të dëmtimit në kavilje. Dëshira gjithmonë është për të fituar, por dëshira dallon nga gjendja fizike, por shpresoj që lojtarët që luajnë pak të marrin më shumë minuta për të formuar një Kombëtare më të mirë", ka mbyllur pronocimin e tij Grezda për Supersport.
Lexo gjithashtu
