Italianët e Juventus kanë humbur betejën ligjore ndaj ish-sponsorit të tyre teknik Nike. Gjykata e Arbitrazhit në Gjenevë e ka dënuar klubin italian me 1.5 milion euro dëmshpërblim ndaj Nike dhe 550 mijë euro shpenzime gjyqësore.
Në momentin e fitimit të titullit të 28 nga ana e Juventus (i 30-i në fushë), klubi italian kërkoi vendosjen e yllit të tretë mbi stemë në fanellë, por Nike nuk pranoi pasi përderisa 2 tituj italianëve ua ka hequr drejtësia për skandalin e Calciopolit, do të thotë që ata nuk i kanë fituar ato. Megjithatë Juventus veproi në dëshirë të saj dhe e vendosi vetë yllin e tretë në fanellë, duke bërë që Nike të hapë gjyq për shkeljen e kushteve të kontratës së sponsorizimit.
Juventus sot ka 32 tituj zyrtarë të fituar (34 në fushë) dhe e mban yllin e tretë mbi stemë pa asnjë problem.
Lexo gjithashtu
