Kosova do të luajë ditën e nesërme një ndeshje miqësore ndaj Gjibraltarit në orën 18:00 në stadiumin "Fadil Vokrri". Një sfidë që do t'I shërbejë trajnerit dhe lojtarëve për të përgatitur më mirë ndeshjen eleminatore ndaj Malit të Zi.
Në konferencën për shtyp janë paraqitur trajneri Challandes dhe futbollisit Anel Rashkaj. Rashkaj u shpreh se kjo do të jetë një ndeshje e rëndësishme për Kosovën.
Gjiblartari? "Kjo do të jetë një ndeshje e rëndësishme për ne, pasi që këtu ka lojtarë të talentuar të cilët nuk kanë luajtur dhe nuk kanë patur minutat e duhura me Përfaqësuesen. Është një mundësi e mirë për ta që të luajnë në këtë takim", u shpreh fillimisht Rashkaj.
Sfida ndaj Malit të Zi? "Duhet të qëndrojmë më këmbë në tok dhe e dijmë që nuk do të jetë aspak e lehtë. Ne duhet të jemi të kujdesshëm ndaj Malit të Zi, pasi që ata kanë një skuadër të mirë, me lojtarë që luajnë në ligat e forta evropiane", deklaroi Rashkaj.
Lexo gjithashtu
