Gazetari i njohur i Supersport, Gjergji Stefa ishte i ftuar në emisionin "Sport Magazine" në Ora News, ku ishte vënë përballë gazetarit kosovar, Milaim Krasniqi. Ndër të tjera, në debatin miqësor ndërmjet tyre, gazetarët u ndalën në vlerën e përfaqësuesve të Shqipërisë dhe Kosovës. Stefa deklaroi që kuqezinjtë kanë lojtarë që luajnë me ekipe elitare të Europrës, ndërsa Kosova jo. Ndërkohë Krasniqi i kujtoi Stefës që me ata futbollistë që ka për momentin Kosova, mund të luajë edhe në U-21, duke i treguar në këtë mënyrë moshën e re të skuadrës.
"Unë mund të të them se Kosova me moshën që ka në skuadër, mund të luajë edhe në ekipin U-21", deklaroi Krasniqi.
Ndërkohë Stefa iu përgjigj: "Mund të më thuash një mbrojtës të djathtë që luan te ju dhe me një ekip të njohur në Europë? Po Amir Abrashi që luan në Bundesligë me Freiburgun. Me gjithë respektin, Kombëtarja jonë vlen shumë më shumë. Pas dy vitesh edhe Kosova do të eci shumë, por për momentin i duhet të bëjë shumë punë".
Lexo gjithashtu
