Zv/president i klubit të Interit, Havijer Zaneti ka analizuar momentet e fundit të skuadrës zikaltër, duke ngritur lart punën e trajnerit të ri si dhe paraqitjet e fundit të Gabigol, duke thënë, se ai meriton një mundësi për të luajtur. Ai ka folur dhe për ecurinë e kampionatit, duke pranuar realitetin, pasi thotë se Juventus është favoriti kryesor për të fituar kampionatin.
Në një intervistë të dhënë për “Corriere dello Sport”, Zaneti ka thënë: “Jemi të lumtur me situatën aktuale të grupit, por ende duhet bërë një pune e madhe. Nëse ndjekim këtë ritëm mund të arrijmë shumë. Dje, kemi fituar një ndeshje të rëndësishme, ndërkohë që jemi duke menduar për takimin e ditës së dielë. Do tentojmë të arrijmë Kupën e Italisë. Për Piolin është fitorja e 7-të në kampionat, Europa Ligë dhe Kupën e Italisë. Ne e dinim se ky grup ka vlera, besuam dhe arritëm këu ku jemi”, ka thënë Zaneti.
Lidhur me situatën e Gabigol, ish-lojtari i zikaltërve është shprehur: “Është lojtar i mirë. Ka pasur problem me përshaten në grup. Ne i kemi dhënë mundësinë të tregojë aftësinë e tij për të dhënë më të mirën në fushë. Pioli duhet përgëzuar pasi po punon me të rinjtë. Gagliardini? Jemi të kënaqur me atë që ka bërë në këto dy ndeshje, sepse ai nuk përfaqëson vetëm të tashmen, por është e ardhmja e ekipit tonë”.
Ai ka folur dhe për drejtuesit kinezë: “Suning ka ambicie të mëdha dhe mbi të gjitha respekton historinë e Interit. Kjo është një pikë fillestare, por mjaft premtuese për të ardhmen”, ka përfunduar Zaneti.
Lexo gjithashtu
