Skënderbeu është në pritje të datës 1 janar, ditë në të cilën hapet zyrtarisht merkatoja. Në kampin korçar pritet të ketë lëvizje si në hyrje ashtu dhe në dalje. Sa i përket lojtarëve që pritet të shiten nga Skënderbeu në këtë merkato, nga shitja e të cilëve klubi do të mbushte arkat e klubit janë Barjam Jashanica dhe Sabjen Lilaj.
Ofertat për dy "yjet" e Skënderbeut nuk kanë munguar, ndërkohë që vetë klubi ka lënë të kuptohet se kjo gjë mund të ndodhë në momentin që klubet e interesuara do të plotësojnë kushtet e përcaktuara.
Pritet që gjithçka të zbulohet me shumë mundësi në datën 3 janar, ditë kur do të mblidhen drejtuesit e klubit për të përcaktuar objektivat e merkatos ku dhe pritet të diskutohet për të ardhmen e dy futbollistëve në fjalë.
Lexo gjithashtu
