Interi do të presë ditën e nesërme në “San Siro” skuadrën e Juventusit për të bërë mes tyre llogaritë e javës së 23-të të Serie A. Në lojë është kreu i klasifikimit, pasi aktualisht dy ekipe i ndan vetëm 1 pikë.
Në konferencën për shtyp Missimiliano Allegri do të theksonte se derbi nuk do të jetë vendimtar pët titullin, pasi kampionati do të ketë edhe shumë sfida të tjera.
“Ne do të shkojmë të gjithë. Kemi rikuperuar Chiesa dhe Rabiot, pastaj kemi dy lojtarët e rinj. Djalo është më mbrapa, Alcaraz do të ketë stërvitjen e tij të parë sot, por ne të gjithë do të shkojmë në Milano
Nesër do të jetë një ndeshje e mrekullueshme, ne i dimë pikat e forta të Interit, jemi shumë mirë. Është një përplasje, ne ende duhet të marrim shumë pikë për objektivin tonë, që është Liga e Kampionëve.
Nuk është një pikë kthese vendimtare, me tre pikë mund t’i rikuperoni dhe t’i humbni ato në disa ndeshje. Ne duhet të marrim pikët për të shkuar në Ligën e Kampionëve, që është objektivi ynë i sezonit.
Kur ndodhin këto ndeshje, gjëja e mirë është që të gjithë flasin, nesër djemtë duhet të dalin në fushë, të argëtohen dhe të bëjnë më të mirën.
Kemi respekt të madh për Interin, sepse ata janë skuadra më e fortë në ligë dhe favorit për Scudetto. Nuk duhet të shpërqendrohemi nga fjalët e jashtme. Duhet të luajmë ndeshjet, të japim më të mirën tonë dhe të përpiqemi të marrim rezultate.
Ka ende shumë ndeshje përpara, futbolli është plot me ngjarje të papritura. Duhet të kesh ekuilibër, gjëja më e vështirë është të menaxhosh momentet e vështirësisë që ndodhin gjatë gjithë sezonit”, ka përfunduar Allegri.
Lexo gjithashtu
