Në Shqipëri gjatë viteve të fundit ka qenë shumë problem për të pasur marrëdhënie të mira mes kryebashkiakëve dhe aksionerëve të klubeve të futbollit, jo vetëm në Superiore ku shpenzimet janë të mëdha, por edhe në Kategorinë e Parë.
Kjo gjë duket se nuk ekziston në Kamëz, aty ku presidenti Naim Qarri bashkëpunon më së miri me kryebashkiakun Xhelal Mziu për sezonin 2016-2017 të futbollit. Skuadra nga ana tjetër po ecën mirë, ndërsa i ka marrë të gjitha pikët në kampionat, ku në 7 javë ka 21 pikë.
Edhe veshja është perfekte, në fushën e lojës dhe të stërvitjes futbollistët e Kamzës janë të veshur me Adidas, markë e shtrenjtë, por e përballuar më së miri nga drejtuesit e Kamzës. Së fundmi, çështja më e rëndësishme është ajo e pagesave.
Mësohet se Naim Qarri, i cili zotëron 55% të aksioneve të skuadrës bën pagesën e akomodimeve, veshjeve dhe premiove për klubin, ndërsa Kryetari i Bashkisë së Kamzës, Xhelal Mziu, paguan rrogat mujore të futbollistëve dhe stafit.
Bashkëpunim që deri më sot ka dhënë frytet e tij, ndërsa të gjithë e presin që të finalizohet me daljen në Superiore, aty ku është dhe qëllimi i këtij viti i skuadrës që është në periferi të kryeqytetit.
Lexo gjithashtu
