Italia do të ndeshet me Shqipërinë në sfidën miqësore me datë 16-të në “Air Albania”. Ekipet kanë bër zyrtare listat e tyre për takimet miqësore që do të zhvillojnë. Nicolo Fagioli u ftua në kombëtaren “azzurro” për herë të parë, por nuk mund të kalonte pa një ngjarje interesante.
I riu i Juventus që ka rrëmbyer skenën në Serie A, nuk i ka shpëtuar vëmendjes së trajnerit Mancini. Telefonata e parë me kombëtaren për Fagiolin nuk është arritur në kohë pasi lojtari ishte në gjumë.
Nicoli Fagioli: “As që e dëgjova telefonatën sepse isha duke fjetur. Kishim luajtur në Verona dhe isha i lodhur, më pas erdhën mesazhet. Nuk e prisja, isha i lumtur dhe familja ime gjithashtu. Ishte një kënaqësi e madhe. Mbërritëm në orën 12, u takuam dhe më pas dolëm në fushë për gjysmë ore. Ishte shumë emocionues, më gëzon ky moment. Kur luan futboll, punon gjithmonë për kombëtaren edhe nëse je i vogël nuk e pret një gjë të tillë. Më parë kam qenë mesfushor sulmues, pastaj më kanë shtyrë më tej duke pasur parasysh karakteristikat e mia. Nuk vendos dot se ku jam më i mirë. Dybala? Më pëlqejnë lojtarët më të talentuar. ”
Lexo gjithashtu
