Radiot franceze të cilat do të transmetojnë direkt ndeshjen midis Shqipërisë dhe Francës në ditën e nesërme, kanë vendosur mos ta bëjnë diçka të tillë pas një mosmarrëveshje midis tyre dhe departamentit të marketingut të FSHF-së.
Sipas tyre FSHF iu ka kërkuar 1500 euro në mënyrë që tiu mundësonte të drejtën për transemetim. Një shumë kjo e cila është konsideruar e lartë nga radiot franceze, si dhe në kundërshtim me të drejtat ndërkombëtare, të cilat sanksionojnë se kjo shifër nuk duhet të jetë më e lartë se 1000 euro.
"Si praktikë, ndodh që federatat e anëtarësuara në UEFA nuk na lënë ndonjë kosto teknike. Ishim pak të surprizuar kur nga Shqipëria nga kërkuan me shkrim dhe gojarisht shifrën e 1500 eurove për kostot teknike. Për më tepër, kërkesa e tyre nuk kishte asnjë motiv.
Ata kanë të drejtën e tyre të kërkojnë, por Sindikata Europiane e Transmetimit, e specifikon se këto kosto nuk shkojnë dot më shumë se 1000 euro. Negociuam për tri ditë, por nuk morëm një përgjigje. Federata Franceze u fut gjithashtu në lojë për të zgjidhur këtë situatë, por as ata nuk gjetën një marrëveshje", tha Vinsent Rodrigez, kreu i departamentit të sportit në "Radio France".
Disa prej radiove që janë ankuar për këtë fakt janë : "Europe 1", "Radio France", "RMC" apo "RFI".
Lexo gjithashtu
