Ditën e sotme në ambientet e Federatës Shqiptare të Futbollit, Sekretari i Përgjithshëm i 'qeverisë së futbollit' ndër të tjera është shprehur se shumë shpejtë do të kemi edhe U16, U18 dhe U20.
"Shumë shpejt do të kemi U16, U18 dhe U20. Do vlerësohet nëse do të jenë këta trajnerë apo trajnerë të tjerë. Rregulli që ka ndryshuar është se trajnerët do të jene me kohë të plotë në punë. Një nga arsyet e largimit të Bogdanit ishte fakti që jetonte në Itali dhe nuk mund t'i shihte lojtarët në Shqipëri".
Ndër të tjera Shulku ka thënë se do të ketë edhe mbledhje të stafit teknit çdo të hënë, madje pjesë e këtyre mbledhjeve do të jetë edhe trajneri Christian Panuçi.
"Do të ketë mbledhje të stafit teknik dhe trajnerët. Çdo të hënë do të ketë mbledhje. Pjesë do të jetë edhe trajneri Panuçi, jo vetëm në mbledhje, por edhe në seleksionime. Ai do të jetë në mbledhjet që do të jenë e nevojshme, sikurse edhe në seleksionimet që drejtori Mustedanagiç do të vendosë. Programin e punës e bën drejtori".
Lexo gjithashtu
