Lushnja dhe Bylis do të përballen në fundjavë në sfidën e fundit të këtij sezoni të Kategorisë së Parë.
Dy ekipet rivale për t'u ngjitur në Superligë do kenë në dispozicion 90 minuta për të arritur objektivin e tyre.
Ndërkohë që përgatitjet kanë nisur nga të dyja kampet për këtë sfidë, ankthi dhe emocionet janë prezente dhe mëse normale edhe te tifozët e Lushnjes dhe Bylisit.
Në një nga faqet e Facebook-ut të tifozëve të Lushnjes është postuar një foto e ish-kapionit të Botës me Argjentinën, Mario Kempes në kohën kur ai drejtonte skuadrën myzeqare.
"Me Mario Kempesin bëmë shoë botëror",shkruhet në faqen e tifozëve të Lushnjes në Facebook.
Një foto nostalgji, që mund t'i shërbejë edhe për motivim lojtarëve myzeqarë përpara finales kundër Bylisit që do të luhet këtë fundjavë.
Mario Kempes u prezantua si trajner i Lushnjes në vitin 1996 me një pagë vjetore të padëgjuar për realitetin e futbollit shqiptar.
Plot 350 mijë euro në sezon do të përfitonte ish-kampioni i Botës me Argjentinën, Mario Kempes, në stolin e skuadrës së Lushnjes.
Por, ai qëndroi vetëm pak ndeshje në krye të bankinës së ekipit myzeqar, sepse fundi i sistemit ekonomik piramidal në Shqipëri bëri që Kempes dhe shumë lojtarë të tjerë të huaj të largoheshin para kohe dhe të linin përgjysmë ëndrrën e tifozëve të Lushnjes për të parë ekipin e tyre kampion./ NEWSPORT.AL
[caption id="attachment_108305" align="alignnone" width="486"]
Postimi i bere nga tifozet e Lushnjes ne Facebook[/caption]
-Momenti kur Mario Kempes vjen në Shqipëri dhe prezantohet si trajneri i Lushnjes
https://www.youtube.com/watch?v=K3S8E5NTSCY
Lexo gjithashtu
