Giovanni Colella është trajneri kampion në fuqi të paktën deri në maj të vitit 2024. Italiani udhëhoqi Partizanin sezonin e fundit drejt titullit kampion duke ngritur lart trofeun në ndeshjen e fundit të sezonit.
Megjithatë, kjo nuk mjaftoi për të mbrojtur stolin e tij teksa klubi i kuq vendosi të ndante rrugët me të dhe drejtorin sportiv, Elton Marini. Emri i Colellës ka qarkulluar edhe në ekipe të tjera shqiptare, si Erzeni, ku shihej si një kandidat për të marrë stolin e skuadrës shijakase.
Pavarësisht se asgjë nuk e mban lidhur me Shqipërinë, aktualisht, italiani është ende në vendin tonë. Colella është në tribunat e Niko Dovanës duke ndjekur nga pranë ndeshjen Teuta – Tirana. Gjatë ‘regjimit’ të tij te Partizani, shpeshherrë e kemi parë trajnerin në ndjekje të skuadrave të tjera. Sidomos në ato të Tiranës saqë disa herë, ka marrë edhe reagimet në formë shakaje nga kolegu i tij Orges Shehi.
Lexo gjithashtu
