Darko Dodev do të jetë goditja e parë në merkato e Vllaznisë. Klubi shkodran zyrtarizoi emërimin e Migen Memellit si trajner i ri i skuadrës dhe tani do të vijojnë edhe punën me afrimet në merkato. Sulmuesi maqedonas ka shkëlqyer këtë sezon me Bregalnicën teksa ka shënuar 7 gola e 11 asiste në 29 ndeshje.
[caption id="attachment_695684" align="alignnone" width="217"]
Dardo Dodev ne Loro Borici[/caption]
Zyrtarizimi i tij është thjeshtë çështje kohe me 25-vjeçarin që ishte i pranishëm sot në “Loro Boriçi” ku ka biseduar me trajnerin Memelli dhe drejtorin Plori. Dodev është zëvëndësuesi direkt i Liridon Latifit që pritet të transferohet te Ballkani i Ilir Dajës në Kosovë. Lojtari luan në të dya krahët e sulmit dhe pritet të jetë një goditje me vlera për skuadrën kuqeblu.
Vllaznia nuk do të ndalet me kaq teksa skuadra është mjaft e cunguar me plot 13 lojtarë pa kontratë, shumë prej të cilëve nuk do të rinovojnë. Ndërsa Kaina Nunes është largimi i parë zyrtar, me sulmuesi që u zyrtarizua te Tirana.
Lexo gjithashtu
