Presidenti i klubit të Korabit, Femi Mziu i ka dhënë forcë dhe kurajo sulmuesit të skuadrës së tij Armend Murrja. Në një mesazh të postuar në Instagram, kreu i klubit dibran shpreson se tani që lojtari kaloi operacionin e vështirë, gjërat të marrin drejtimin e mbarë për atë dhe ekipin.
"Jeta na mësoi të presim dhe të jemi të duruar dhe të mos dorëzohemi. Të shpresojmë se ajo që vjen do të jetë më e mirë se ajo që kaloi!".
Postimi i Femi Mziut
Korabi fitoi takimin e fundit miqësor për fazën përgatitore të nisjes së pjesës të dytë të sezonit në Kategorinë e Parë duke mposhtur me shifrat 2-0 Internacionalin. Tashmë skuadra dibrane renditet në vendin e katërt në grupin A të Kategorisë së Parë.
19-vjeçari Murrja dëmtoi ligamentin e gjurit të djathtë dhe iu nënshtrua një ndërhyrje kirurgjikale dje në Itali.
Lexo gjithashtu
