Milani do të luajë ditën e nesërme sfidën e parë zyrtare për sezonin e ri. Kuqezinjtë do të përballen në turin e dytë të Europa Leaguye ndaj Shamrock Rovers, skuadër që militon në kampionatin irlandez. Ditën e sotme Milani ka bërë të ditur edhe listën me lojtarët që janë grumbulluar për këtë ndeshje dhe bie në sy disa mungesa.
Rebic, Leao, Romagnoli e Paqueta nuk janë ftuar nga trajneri Pioli, ndërsa blerja e re, Tonali është përfshirë në listë. Sulmuesi kroat është I pezuluar, Leao ndodhet në karantinë pasi ka pasur kontakte me një person të infektuar me Covdid-19, kapiteni Romagnoli vuan nga një dëmti, ndërsa Paqueta është lënë jashtë për zgjedhje teknike. Ndeshjet e Europa League do të luhen me një ndeshje teke dhe skuadra që fiton kalon në turin tjetër.
Loading ...
