Ajo që është e sigurtë tashmë dihet prej kohësh që Milani duhet të gjejë ende një zgjidhje për të rifinancuar borxhin me "Elliot" prej 303 milionë eurosh plus interesat, që duhet të paguhet brenda muajit tetor, borxh për të cilin është mandatuar prej kohësh banka e investimeve "Merril Lynch", dhe që më 20 prill Marco Fassone pritet të zhvillojë një takim vendimtar me UEFA-n për të diskutuar "marrëveshjen sanksionuese".
E ardhmja e Milanit duket se do të lidhet pashmangshmërisht mes "Fly Emirates" dhe Emirateve të Bashkuara Arabe. Dy nga të përditshmet italiane, njëra sportive e tjetra informative, "Gazzetta dello Sport" dhe "La Repubblica" zbulojnë një prapaskenë të bujshme që përfshin klubin me seli në rrugën "Aldo Rossi" të Milanos.
Saeed al-Falasi, pjesëtëar i një prej familjeve të pasura arabe, duket se ka bërë një ofertë për të blerë shumicën e aksioneve të Milanit, edhe pse konkretisht ajo është mbajtur sekrete dhe nuk dihet asnjë detaj mbi aspektin ekonomik të kësaj lëvizjeje.
Lexo gjithashtu
