Trepça 89’ ka falenderuar Federatën e Futbollit të Kosovës për punën që po bëhet në stadiumin “Riza Lushta”. Punimet në klubin që rikthehet të jetë pjesë e Superligës së Kosovës, lidhen me instalimin e ujitjes nëntokësore.
Kujtojmë se klubi nga Mitrovica rikthehet të jetë pjesë e elitës së futbollit kosovar, pas 1 viti në Ligën e Parë ku u shpallën dhe kampion të “Grupit A”.
“Falenderim
Klubi Futbollistik Trepça’89 falenderon Federatën e Futbollit e Kosovës për punën të cilën ka filluar ta bëjnë në Stadiumin “Riza Lushta” ku kanë filluar instalimin e ujitjes nëntokësore për fushë gjë e cila do e ndihmon mjaft shumë mirëmbajtjën e fushës dhe do të lehtësoj punën e ekonomit tonë.
Me respekt
Kryesia e KF Trepça’89
Presidenti z. Abedin Zeka – Beki”, shkruan klubi i Trepça ’89 në rrjetet sociale.
