Në ndryshim nga futbolli ku Vllaznia po përgatitet të luajë ndoshta një sezon anonim në kampionatin shqiptar më mirë duket se po shkojnë gjërat në basketboll për klubin shkodran. Puna e mirë që po bëjnë drejtuesit ka filluar të vlerësohet dhe basketbollistë që vitin e kaluar luftonin për tullin kampion kanë shprehur dëshirën ti bashkangjiten një prej klubeve më me traditë në vend.
Një lajm i tillë bëhet i njohur nga kanalet zyrtare të shkodranëve me anë të një foto. Në foto tregohet Zoran Vilitojeviç, basketbollist i Teutës në edicionin e kaluar bashkë me sekretarin e përgjithshëm skuadrës veriore Blendi Dibra dhe zv/ trajnerin Ervin Bërdica, ku ky i pari ka shprehur dëshirën për t'u bashkuar me skuadrën këtë kampionat. Në ketë dëshirë të lojtarit duket se ka ndikuar edhe pjesëmarrja e shkodranëve ne kompeticionet europiane.
Njoftimi i Vllaznisë
Puna e mirë që po bëhet këtë vit në klub po bën që shumë lojtarë të shprehin dëshirën për tu afruar pranë ekipit tonë. Pa harruar edhe pjesëmarrjen e mundshme në Ballkan Ligë dhe pretendimet në sezonin e ri në kampionat. Kështu basketbollisti Zoran Vilotijeviç, pjesë e Teutës në sezonin e kaluar, është një tjetër lojtar që ka shprehur dëshirën për tu veshur kuqeblu.Ai ka zhvilluar ditën e sotme një takim me sekretarin e përgjithshëm të klubit Blendi Dibra dhe zv/trajnerin Ervin Bërdica, ku dëshira është që të ketë një bashkëpunim mes palëve.
Lexo gjithashtu
