Xhudistet shqiptare, Distria Krasniqi e Nora Gjakova kanë shkruajtur historinë në Lojërat Olimpike të Tokyo 2020.
Dy sportistët e ekipit të Kosovës u shpallen fituese të medaljeve të arta në kategoritë e tyre, duke arritur një rezultat historik si për ta ashtu edhe për shtetin.
Kjo paraqitje ka rritur simpatinë e tifozëve, që tashmë janë anembanë botës. Madje edhe në Japoni, aty ku vajzat shqiptare kanë fituar zemrat e tyre.
Kryetari i komunës Sanjo në Japoni, Ryo Takizaëa ka dekoruar zyrën e tij me flamuj të Kosovës.
Ai ka publikuar pamje nga zyra e tij, teksa foton e shoqëron me fjalët: "Urime Nora Gjakova për medaljen e artë në kategorinë 57 kilogramë në xhudo. Sot unë bëra tifo nga zyra me shumë flamuj të Kosovës. Faleminderit edhe Akil Gjakovës dhe Majlinda Kelmendi për luftën e zhvilluar," e mbyll zyrtari japonez.
Medalja e fituar nga Nora Gjakova ishte e treta olimpike për Kosovën, të gjitha të arta.
Lexo gjithashtu
