Flamurtari ka hyrë seriozisht në merkaton e janarit. Vlonjatët e konsiderojnë dështim gjysmën e parë të sezonit duke qenë larg dy vendeve të dyta që të dërgojnë direkt në elitën e futbollit shqiptar.
Pas firmës me Idriz Bathën, kuqezinjtë kërkojnë një tjetër lojtar që ka luajtur në Superiore për t'ju përgjigjur goditjeve të Elbasanit në merkato. Ardit Iljazi është objektivi i rradhës dhe bisedimet kanë nisur, por lojtari ka prioritet një ofertë nga një klub lituanez dhe nëse nuk arrihet marrëveshja me ta, Flamurtari do të jetë zgjedhja e tij, raporton ‘Futbolli në Shqipëri’.
Iljazi shkëlqeu me Erzenin sezonin e fundit ndërsa gjysmën e parë të këtij edicioni ishte pjesë e Teutës duke mos lënë shenjë e më pas u nda me konsensus. Mbetet të shihet e ardhmja e 23-vjeçarit, por trajneri Dritan Resuli ka kërkuar një mbrojtës për të blinduar prapavijën.
[caption id="attachment_716375" align="alignnone" width="615"]
Ardit Iljazi - Kaina[/caption]
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
