
Paulo Dybala po punon intensivisht që të jetë gati për Botërorin në Katar. Sulmuesi argjentinas pësoi një dëmtim me skuadrën e Romës, duke bërë që të qëndrojë jashtë për disa javë.
Megjithatë “La Gazzetta dello Sport” raporton se sulmuesi po kryen dy herë në ditë fizioterapi në Trigoria, përkatësisht 4 orë për çdo seancë. Sipas burimeve për mediet italiane, lojtari do t’i nënshtrohet një ekzaminimi që do të tregojë përfundimisht nëse do të jetë ose jo në Botëror.
Gjasat janë që ai të kthehet në kohë rekord gati për Argjentinë. Megjithatë gjithçka do të zbulohet në ditët e ardhshme.
Poll