Napoli u largua nga tarsnferta e Juventusit me 3 pikë, teksa napolitanët ia dolën të sigurojnë fitoren vetëm në minutën e 93-të të sfidës, teksa goli i Raspadorit do të ishte vendimtar.
Tashmë Napoli shkon në 17 pikë më shumë se vendi i dytë që mbahet nga Lazio, duke vendosur kështu edhe njërën dorë te titulli kampion. Por Luciano Spalletti është më “këmbë në tokë” pas kësaj fitoreje, teksa thekson se është ende herët për të festuar.
“Duhet të presim para se të nxjerrim ndonjë shishe verë, sepse kemi ende pak rrugë për të bërë. Ata luajtën shumë mirë dhe nuk ishte e lehtë për të bërë këtë, sepse u eliminuan nga Champions League. Nuk mendoj se mund të kishim bërë më shumë sonte.
Është e qartë se është shumë e kënaqshme të jesh këtu. Ka qenë një rrugë më e vështirë këtu për mua sesa për të tjerët që filluan nga një nivel më i lartë, ata që fituan respekt nga karriera e tyre si lojtar dhe patën mundësinë të drejtonin një ekip të lartë që në fillim”, përfundoi Spalletti.
Lexo gjithashtu
