Napoli fitoi ndaj Salernitanas me shifrat 2-0 në sfidën e javës së 19-të të Serie A. Një fitore që e distancon skuadrën e Luciano Spalletti me 12 pikë nga vendi i dytë që mbahet nga Milan.
Pas këtij triumfi, tekniku Spalletti do të theksonte se tani ata mund të flasin lirshëm për kampionatin, ndërsa nënvizoi se i kanë vetë në dorë fatet e titullit.
“Tani është e drejtë që të flasim për trofeun e Serie A. Ne e dimë se kemi një mundësi të papërsëritshme dhe nuk duhet ta humbasim këtë. Duhet të luajmë futbollin tonë duke qëndruar të përulur dhe të jemi profesionistë. Ne e kemi vetë në dorë trofeun këtë sezon.
Djemtë bënë atë që duhej në këtë takim. Di Lorenzo është thelbësor për ne. Ai e meriton shiritin e kapitenit, të gjithë ramë dakord kur ia ofrova atë. Është mbresëlënëse mënyra se si ai vjen në stërvitje dhe për mënyrën se si ai flet me shokët e ekipit”, u shpreh Spalleti.
Lexo gjithashtu
