Interi mposhti 2-0 Milanin në gjysmëfinalen e parë mes tyre në Champions League. Një fitore shumë e rëndësishme, me zikaltërtit që janë me një “këmbë” në finalen e Stambollit.
Një nga autorët e golave në derbi ishte Henrikh Mkhitaryan, i cili pas ndeshjes do të theksonte se asgjë s’ka përfunduar pasi është edhe gjysmëfinalja e kthimit.
“Kishim një dëshirë të madhe për të fituar ndeshjen, pjesën e dytë menaxhuam shumë mirë dhe kjo është meritë e shokëve të skuadrës. Na pret një luftë në ndeshjen tjetër.
Më shumë gola? Do të ishte bukur të shënonim më shumë, i patëm rastet. Por, jam i bindur se do t’i shënojmë në ndeshjen e dytë. Nuk e mendojmë finalen dhe jemi të fokusuar vetëm te ndeshja e kthimit”, u shpreh Mkhitaryan.
Poll
Lexo gjithashtu
