Mesfushori nigerian John Obi Mikel ka deklaruar ditën e sotme që do të tërhiqet nga futbolli i luajtur. Ish lojtari i Chelseas ku arriti të fitoj Champions Leaguen dhe titullin në Premier League, përmes një statusi në futboll ka komunikuar që nuk do të vijoj më me futbollin aktiv. Obi në statusin e tij thekson faktin që ky nuk është një fund por fillimi i një aventure të re. “Ekziston një thënie që “të gjitha gjërat e mira duhet të marrin fund”, dhe për karrierën time profesionale futbollistike, ajo ditë është sot. Kthej kokën dhe shikoj 20 vite të kaluara të karrierës sime dhe më duhet të them se jam shumë i kënaqur me gjithçka që munda të arrij dhe më e rëndësishmja me personin që u krijua nga këto arritje. E gjithë kjo nuk do të ishte e mundur pa mbështetjen e palëkundur të familjes sime, menaxherëve, klubeve, trajnerëve, shokëve të skuadrës dhe më e rëndësishmja, tifozëve të mi besnikë. Ju më mbështetët në nivelet e mia të larta dhe të ulëta, edhe në ditët që nuk i përmbusha pritshmëritë tuaja. Unë ju detyrohem një falenderim të madh. Gjithashtu do të doja t'i inkurajoja të gjithë ata që mund t'i kem frymëzuar në një mënyrë apo tjetrën gjatë karrierës sime, që të mos heqin dorë kurrë nga ëndrrat e tyre, sepse sa herë që mendoni të hiqni dorë, kujtojini vetes pse e nisët. Kjo nuk është lamtumirë, është fillimi i një tjetër udhëtimi, një tjetër kapitull i jetës sime. Pres me padurim atë që do të sjellë e ardhmja dhe shpresoj se do të ecni me mua. Faleminderit”

 

View this post on Instagram

 

A post shared by Mikel Obi (@mikel_john_obi)