Ditën e sotme Federata e Futbollit Kosovës mori vendimin për mos liçensimin e Prishtinës në garat e Europës. Nëpërmjet një komunikimi të FFK-s ditën e sotme ata shkruan se: 19 maj, 2023 – Komisioni i Shkallës së Parë për Licencimin e Klubeve për garat e UEFA-së, ka marrë vendimet në lidhje me procesin licencues për edicionin 2023/24 të garave të UEFA-së. Në total në këtë proces kanë aplikuar 10 klube nga Superliga e meshkujve dhe 2 nga Superliga e femrave. Nga 12 klube, sa e kanë nisur procesin e licencimit, 9 prej tyre janë licencuar, kurse 3 janë refuzuar.
Klubet e licencuara janë: FC Ballkani, FC Drita, SC Gjilani, KF Dukagjini, FC Llapi, FC Malisheva, FC Trepça ’89, KFF Mitrovica, KFF EP Hajvalia
Klubet që nuk janë licencuar për të qenë pjesë e garave të UEFA-së, për edicionin 2023/24 janë: FC Prishtina, FC Ferizaj, KF Drenica.
Sipas mediave nga Kosova, bardheblutë kanë bërë me dije se do të bëjnë ankesë në UEFA, pasi ata nuk kanë marrë një arsye nga Federata. Sipas burimeve bëhet me dije se FFK-ja i ka komunikuar klubit nga kryeqyteti se nuk liçensohen pasi kanë bilancin neto negativ -10%.
Lexo gjithashtu
