Përfaqësuesja kosovare e futbollit do të luajë sot në orën 20:45 ndeshjen kualifikuese ndaj Malit të Zi. Kjo ndeshje shihet si delikate, për vetë shpresat që Kosova ka drejt kualifikimit. Blutë e Bernard Challandes ndodhen në grupin A kualifikues.
Federata Kosovare e Futbollit ka publikuar disa rregulla lidhur me mbarëvajtjen e takimit të sotëm. Bie në sy moslejimi i shisheve, alkoolit dhe ushqimeve të ndryshme.
Rregullat:
1. Dyert e stadiumit hapen ne ora 18:45.
2. Luten qytetarët që të vijnë me kohë në stadium, duke filluar nga ora 18:45
për të shmangur tollovinë.
3. Nuk shiten bileta në zonën e stadiumit. Qytetarët të cilët nuk kanë biletë
luten të mos vijnë në zonën e stadiumit sepse shkaktojnë tollovi. Qytetarët pa
biletë do të largohen nga policia.
4. Nuk lejohet hyrja pa biletë. Një bilete një person. Asnjë person,
pavarësisht moshës, nuk do të lejohet të hyjë në stadium pa biletë. Kjo vlen
edhe për fëmijët.
5. Gjërat që nuk lejohen në stadium do të konfiskohen në hyrje. Gjërat e
palejuara përfshijnë:
– Mjetet piroteknike
– Shishet e qelqit pavarësisht madhësisë
– Shishet e plastikës pavarësisht madhësisë
– Pijet alkoolike dhe substancat narkotike
– Ushqim i cfaredo lloji (pervec ushqimit te fëmijëve 24 muajsh) si fara,
cipsi, smoki, kikirikë, lajthi, badem, etj.
– Ombrella
– Armë zjarri ose armë të ftohta apo cfarëdo mjeti tjetër që mund të përdoret
si armë
– Sende të rënda (canta shpine, karrige të palosshme, etj) etj.
– Kamera profesionale dhe video kamera
– Pajisjet elektronike, mekanike ose manuale, që prodhojnë zhurmë, si megafonë,
bori ose vuvuzele
– Materialet promovuese ose komerciale
– Cdo material promovues racist, ksenofobik, politik, fetar
6. Luten qytetarët që gjatë intonimit të himneve të respektohet qetësia
7. Qytetarët njoftohen që, për arsye të sigurisë, nuk lejohet bllokimi i
rrugëve të evakuimit në tribuna. Prandaj, ulja në shkallët e stadiumit është
rreptësisht e ndaluar.