Armando Sadiku nuk po gjen dot golin e parë me Bolivar. I afruar në merkaton e janarit në Bolivi, elbasanasi ka zhvilluar nëntë takime me skuadrën e Amerikës Latine, ndërsa tifozët kanë shpërthyer në revolta në rrjetet sociale. Barazimi i fundit 0-0 në shtëpi për Kupën e Amerikës me Ceara ka sjellë reagime të shumta, me Bolivar që rrezikon mos dalë nga grupi.
Sadiku zhvilloi 90 minuta të mira para dy ditësh, ndërsa në pjesën e parë u ndal nga shtylla. Duket se Ferrari është parkuar te Malaga, pasi që prej kohës në Spanjë nuk ka gjetur shijen e golit. Kujtojmë se për disa muaj Sadiku luajti edhe në Superligën turke me Erzurumspor. I njohur me nofkën “Ferrari”, sulmuesi 29 vjeçar po ndjen vështirësi serioze për golin, duke pasur afërsisht një vit pa shënuar.